日常對話
1
跟孩子談話時多使用心智狀態詞彙，包括：認知（例如：想、知道、相信等）、知覺（例如：看見、聽見等）、情緒（例如：開心、傷心、愛等）和欲求（例如：想要、希望、期待等）。
2
家長和兒童談話時宜多比較不同立場的觀點，尤其是對立的觀點，有助於孩子理解不同人有不同的願望和信念。例如：「你喜歡乘巴士，因為你覺得巴士有位子坐，妹妹卻喜歡乘地鐵，因為她覺得地鐵快。」又例如：「隔壁阿姨買了一個蘋果派給你吃，你很失望，因為你不喜歡蘋果的味道，但是阿姨不知道你不喜歡吃蘋果，她以為你跟她的孩子一樣喜歡吃蘋果」。
3
建議家長少用命令、說教、批評等權利主張（power assertion）的談話方法，例如「現在不可以吃雪糕」和「你打妹妹不乖」，因為這使孩子常處於被動傾聽的狀態，不敢表達自己的想法。跟孩子談話的時候，請把孩子當成有心智活動的談話對象，認可和理解他的想法、願望和意圖。告訴孩子應該怎麼做時，家長宜說明為什麼要這樣做，例如「現在不可以吃雪糕，下午才能吃」可以改為「我知道你想吃雪糕，但是我們即將要吃午飯了，吃了雪糕就吃不下午飯了，所以我們等到下午再吃。你明白嗎？」。這句話中家長先認可了孩子的欲求的存在，再解釋無法實現欲求的原因。批評孩子前，家長可以先讓孩子解釋自己的行為的原因。例如您發現孩子書包裏有一輛玩具車，請先不急著責怪孩子上學不認真，而是問問孩子為什麼把玩具車帶去學校。有可能他是想借給好朋友玩。研究（Meins et al., 2003; Ruffman, Slade, Devitt & Crowe, 2006）指出父母把孩子當成有心智活動的談話對象，孩子的心智解讀能力較高。
4
多與兒童進行心智對話。研究發現兒童有更多的機會與比自己認知發展程度高的人進行心智對話，他們會表現出更高水準的心智解讀。家長可在不同的日常生活情境中跟孩子進行心智對話。比如今天您帶了雨傘出門，但是沒有下雨，結果用不著，您可以跟孩子解釋：「媽媽今天帶了雨傘出門，因為早上烏雲密佈，媽媽估計會下雨。可是出門後，天氣就變好了，所以用不著雨傘了」。孩子與同輩發生爭執是常見的事情，這也是培養心智解讀的良機。家長可以問孩子「你覺得別人有什麼感受？」、「你覺得別人怎麼想？」、「你覺得別人為什麼會這麼做」等問題，引導孩子從他人角度出發，找出導致爭執的觀點差異是什麼，透過協商和磨合，自行解決問題。
講故事，談心智
爸爸媽媽們可以和孩子講以下的故事，並進行討論。回饋是高質素的心智對話的重要元素，以下的示範供爸爸媽媽們參考。
故事
提問及回饋
今日係小志第一次去詩詩屋企玩。去到詩詩屋口，佢見到詩詩嘅狗仔。小志好鍾意狗仔，隻狗仔見到小志嘅時候就即刻跳起身攬住佢。詩詩隻狗好肥㗎，隻狗仔幾乎仲大隻過小志。所以小志就笑住話啦：「詩詩你嗰隻都唔係狗仔嚟嘅，佢係一隻大笨象」
問：點解小志會咁樣講呢?
A. 因為詩詩隻狗仔肥到好似大笨象一樣
B. 因為詩詩有隻大笨象寵物
（正確答案：A）
回饋：
詩詩隻寵物唔係真的大笨象，其實係一隻好肥嘅狗，肥到好似大笨象一樣。
當詩詩係屋企玩緊嗰陣，佢唔小心向後僕一僕，打爛咗媽咪最鍾意嘅水晶盒。死火喇，媽咪返黎之後一定會俾佢發現㗎，佢一定會好嬲詩詩架。所以當媽咪返到嚟屋企嘅時候詩詩就同佢講：「係屋企隻狗仔打爛左個水晶盒，唔係我嘅錯。」
問：點解詩詩會咁樣講呢？
A. 因為佢唔想比媽咪鬧，所以就話隻狗仔打爛咗水晶盒
B. 因為真係隻狗仔打爛咗水晶盒
（正確答案：A)
回饋：
其實唔係隻狗仔打爛咗水晶盒。因為詩詩怕比媽咪鬧，所以就講大話。
詩詩嘅媽咪花咗好多時間整詩詩最鍾意食嘅薯條比佢食。當媽咪整好左薯條之後諗由廚房攞出黎客聽比詩詩食，但係詩詩好專心咁樣睇緊電視呀，所以佢冇看到媽咪出來客廳，都冇多謝媽咪整薯條俾佢食。媽咪好嬲咁話：詩詩你真係好乖喎，好有禮貌喎。
問：點解詩詩媽咪會咁樣講呢？
A. 因為詩詩冇多謝媽咪整薯條俾佢食，所以媽咪諷刺詩詩冇禮貌
B. 因為媽咪覺得詩詩有禮貌
（正確答案：A)
回饋：
媽咪不是真正覺得詩詩有禮貌， 而是詩詩冇多謝媽咪整薯條俾佢食，所以媽咪說反話諷刺詩詩冇禮貌
依家係清晨嘅時分，小明將佢屋企嘅垃圾倒入垃圾桶。
突然小明見到佢鄰居老婆婆隻貓由屋企跑咗出嚟喎。小明想捉番隻貓俾老婆婆。好彩小明捉到隻貓貓。
老婆婆有老花，要戴眼鏡先睇得清楚近野。咁啱老婆婆今日將自己嘅眼鏡擺咗喺房度，冇戴眼鏡。老婆婆打開門後，由於睇唔清楚小明嘅樣，所以當佢一見到有個男仔抱住自己隻貓嗰陣，就大嗌：救命呀！快啲搵人阻止個偷貓賊啊！
問：點解婆婆會咁樣講呢？
A. 因為婆婆以為有賊人偷走隻貓
B. 因為真係有賊人偷走隻貓
（正確答案：A)
回饋：
小明不是要真的偷婆婆的貓。婆婆係因為睇唔清楚先覺得小明想偷佢隻貓，佢誤解左現實情況。
小明等左成年，佢非常期待嚟緊嘅聖誕節，因為佢覺得爹哋媽咪會送佢最鍾意嘅兔仔比佢做生日禮物。
到咗聖誕節當日，小明好心急咁樣拆開屋企人送俾佢嘅聖誕禮物。小明幾肯定入邊係一個裝住兔仔嘅籠。當佢當著屋企人面拆開聖誕禮物嗰陣，佢發現佢嘅禮物只係一套好無趣嘅百科全書，但係小明唔鍾意百科全書做佢嘅禮物。
當小明嘅屋企人問小明鍾唔鍾意份聖誕禮物嘅時候，佢就話啦：「我好鍾意呢份聖誕禮物啊，我好鐘意睇百科全書，多謝呀」
問：點解小明會咁樣講呢？
A. 因為小明想隱藏自己嘅情感，唔想令到屋企人因為知道小明唔鍾意份聖誕禮物而失望
B. 因為小明鍾意睇百科全書
（正確答案：A)
回饋：
其實小明唔鍾意份聖誕禮物。但是如果小明說自己唔鍾意，屋企人會好失望。所以即使小明唔鍾意，他都說自己鍾意。
參考文獻:
Meins, E., Fernyhough, C., Wainwright, R., Clark-Carter, D., Dupta, M. D., Fradly, E., & Tuchy, M. (2003). Pathways to understanding the mind: construct validity and predictive validity of maternal mind-mindedness. Child Development, 74(4), 1194-1211.
Ruffman, T., Slade, L., Devitt, K., & Crowe, E. (2006). What mothers say and what they do: the relation between parenting, theory of mind, language and conflict/cooperation. British Journal of Developmental Psychology, 24(1),105-124.